Версия для печати (40 стр.)
На главную

Дорогие паломники, этот ТРОПАРИОН, специально составленный для наших поездок, Вы сможете взять с собой в паломничество по святыням Эллады.

 

Т Р О П А Р И  и  М О Л И Т В Ы

 

о Путешествующих

Тропарь, глас 2

Путь и Истина сый, Христе,/ спутника Ангела Твоего рабом Твоим ныне, /якоже Товии иногда,/ посли сохраняюща/ и невредимых, к славе Твоей, от всякого зла/ во всяком благополучии соблюдающа,// молитвами Богородицы, Едине Человеколюбче.

Кондак, глас 2

Луце и Клеопе во Еммаус спутешествовавый, Спасе,/ сшествуй и ныне рабом твоим,/ путешествовати хотящим,/ от всякаго избавляя их злаго обстояния:// вся бо Ты, яко Человеколюбец, можеши, хотяй.

 

остров Патмос

 

Пещера Апокалипсиса.

Молебен с чтением книги Откровений  и акафист святому апостолу и евангелисту Иоанну Богослову

Монастырь святого апостола и евангелиста Иоанна Богослова.

 

Монастырь святого апостола и евангелиста Иоанна Богослова основан прп. Христодулом в 1088 году.

Главные святыни: мощи (честные главы) св.ап. Фомы, св.ап от 70-ти Филиппа, сщмч. Антипы Пергамского, мощи прп. Христодула, его тапочки и посох, цепи (узы) св.ап. Иоанна Богослова, часть мощей св.бесср. Косьмы и Дамиана.

 

Святой апостол и евангелист Иоанн Богослов

Тропарь, глас 2

Апостоле, Христу Богу возлюбленне,/ускори избавити люди безответныя,/ приемлет тя припадающа,/ Иже падша на перси приемый./ Егоже моли, Богослове,/ и належащую мглу языков разгнати,// прося нам мира и велия милости.

 

Молитва святому апостолу Иоанну Богослову

О, великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам всех пригрешений наших прощение, елико согрешихом от юности нашея во всем житии нашем делом, словом, помышлением и всеми нашими чувствы. Во исходе же душ наших помози нам грешным избавитися от воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков.Аминь.

Апостол Фома

Тропарь, глас 2

Ученик Христов быв, Божественнаго собора апостольскаго сопричастник,/ неверствием во Христово Воскресение известив,/ и Того пречистую страсть осязанием уверив, Фомо всехвальне,/ и ныне нам проси мира и велия милости.

 

Молитва святому апостолу Фоме

О святый апостоле Христов Фомо! Молим тя: сохрани и соблюди нас молитвами твоими от искушений диавольских и падений греховных и испроси нам, рабом Божиим (имена) свыше помощь во время неверия, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестно и богоугодно житие сие временное скончати, христианскую кончину получити и добраго ответа сподобитися на Страшнем суде Христове; да прославим великолепое имя Отца и Сына и Святаго Духа, во веки веков.

 

Апостол от 70-ти Филипп

Тропарь общий, глас 3

Апостоле святый Филиппе,/ моли милостиваго Бога,/ да прегрешений оставление/ подаст душам нашим.

 

Священномученик Антипа Пергамский

Тропарь, глас 4

Идольские лести упразднил еси, Антипо, и диавольскую поправ силу, пред богоборцы дерзновенно Христа исповедал еси. Темже со ангельскими чины в вышних водворяяся, Владыце всех славословие принося, и о нас молебное благодарение предлагаеши, благодать цельбы даруя. Сего ради тя чтим, священномучениче Антипо, моли Христа Бога, да спасет души наша.

Святой преподобный Христодул

Тропарь, глас 8

В тебе отче известно спасеся еже по образу:/ приим бо крест, последовал еси Христу,/ и дея учил еси презирати убо плоть, преходит бо,/ прилежати же о души вещи безсмертней;// темже и со ангелы срадуется, преподобне Христодуле, дух твой.

 

Святые безсеребренники Косьма и Дамиан Асинские

Тропарь, глас 8

Святии безсребренницы и чудотворцы, Космо и Дамиане, посетите немощи наша: туне приясте, туне дадите нам.

 

Монастырь Богородицы "Живоносный Источник".

 

Монастырь основан в 1607 году иероманахом Парфением Пангостасом.

Главные святыни: чуд. икона Богородицы "Живоносный Источник" и чуд. фреска Богородицы Елеуса" с тремя глазами"

 

Икона Пресвятой Богородицы "Живоносный Источник"

Тропарь, глас 4

Днесь притецем верни/ к Божественному и цельбоносному образу Пресвятыя Богородицы/ излиявшия капли своих излияний,/ и людем верным чудес показавшия/ яже мы видяще и слышащее/ духовно празднуем и любезно вопием/ исцелити наша недуги и страсти/ якоже и каркинския и тмочисленныя страсти исцелила еси/ тем же молим Тя, Дево Пречистая,/ моли воплощенного из Тебе Христа Бога нашего// спастися душам нашим.

Молитва ко Пресвятей Богородице

О, Пресвятая Дево, Всемилостивая Госпоже Владычице Богородице, Живоносный Источник Твой, целебные дары на здравие душ и телес наших и на спасение миру точащи, подала еси нам, темже благодарни суще усердно молим Тя, Царице Пресвятая, моли Сына Твоего и Бога нашего дати нам оставление прегрешений и всякой душе скорбящей и озлобленней милость и утешение, и от бед, скорбей и болезней свобождение. Подаждь Госпоже, храму сему и сим людем покровение, святей обители сей соблюдение, граду сохранение, стране нашей от напастей избавление и ограждение, да мирное зде поживем житие, и в будущем веце сподобимся видети Тебе Заступницу нашу, во славе Царства Сына Твоего и Бога нашего. Ему же слава и держава со Отцем и Пресвятым Духом во веки веков. Аминь.

 

остров Эгина

 

Монастырь святителя Нектария Эгинского.

 

Монастырь основан в 1904 году свт.Нектарием Эгинским.

Главная святыня монастыря: мощи свт. Нектария Эгинского, его келья с личными вещами, святой источник

Молебен с акафистом  святителю Нектарию Эгинскому

Святитель Нектарий Эгинский

Тропарь, глас 1

Силиврии отрасль и Эгины хранителя,/ в последняя лета явльшагося,/ добродетели друга искренняго,/ Нектария почтим вернии,/ яко божественного служителя Христова:/ точит бо цельбы многоразличныя благочестно вопиющим:/ слава прославльшему тя Христу,/ слава давшему ти чудес благодать,// слава действующему тобою всем исцеления.

 

Монастырь святой великомученицы Екатерины.

 

Монастырь действует как женский с 1930 года.

Главные святыни: часть мощей (палец) св.вмч. Екатерины и чуд.образ свт.Спиридона Тримифунтского (открывает глаза)

 

Святая великомученица Екатерина

Тропарь, глас 4

Добродетельми, яко лучами солнечными,/ просветила еси неверныя мудрецы:/ и якоже пресветлая луна ходящим в нощи,/ неверия тьму отгнала еси,/ и царицу уверила еси,/ вкупе же и мучителя обличила еси,/ Богозванная невесто, блаженная Екатерино:/ желанием востекла еси в Небесный Чертог,/ к прекрасному Жениху Христу,/ и от Него Царским венцем венчалася еси:/ Емуже со ангелы предстоящи,/ за ны молися,// творящия пречестную память твою.

 

Молитва святой великомученице Екатерине

О святая дево и мученице Екатерино! Молим тя: призри на бедствия нас, грешных рабов Божиих, сотвори нас горняя мудрствовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся, яже к пользе прошения: можеши бо многая испросити у Возлюбленного Жениха твоего, Христа Бога нашего. Мы вемы, яко много может молитва праведного, поспешествуемая благостию Милосердного Бога, Ему же слава, честь и благодарение всегда, ныне и присно, и во веки веков.

 

Святитель Спиридон Тримифунтский

Тропарь, глас 1

Собора Перваго показался еси поборник и чудотворец,/ Богоносе Спиридоне, отче наш./ Темже мертву ты во гробе возгласив,/ и змию в злато претворил еси,/ и внегда пети тебе святыя молитвы/ Ангелы, сослужащия тебе, имел еси, священнейший. /Слава Давшему тебе крепость,/ слава Венчавшему тя,/ слава Действующему тобою всем исцеления.

 

Молитва святителю Спиридону Тримифунтскому

О преблаженне святителю Спиридоне! Умоли благосердие Человеколюбца Бога, да не осудит нас по беззакониям нашим, но да сотворит с нами по милости Своей. Испроси нам, рабом Божиим, у Христа и Бога нашего мирное безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженство вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно, и во веки веков.

 

Афины

 

Гора Ареопаг.

Святой апостол Павел

Тропарь, глас 4

Апостолов первопрестольницы,/ и вселенныя учителие, /Владыку всех молите,/ мир вселенней даровати,// и душам нашим велию милость.

Кондак, глас 2

Твердыя и боговещанныя проповедатели,/ верх апостолов Твоих, Господи,/ приял еси в наслаждение благих Твоих и покой:/ болезни бо онех и смерть приял еси паче всякого всеплодия,// Едине сведый сердечная.

 Святой апостол от 70-ти

священномученик Дионисий Ареопагит

Тропарь, глас 4

Благости научився, и трезвяся во всех благою совестию священннолепно оболкся, почерпл есиот сосуда избраннаго неизреченная, и веру соблюд, равное течение совершил еси, священномучениче Дионисие, моли Христа Бога, спастися душам нашим

Апостолам, общий

Тропарь, глас 3

Апостоли святии,/ молите Милостиваго Бога,/ да прегрешений оставление// подаст душам нашим.

 

Храм Святых Таксиархов (Небесных Сил Бесплотных).

Главная святыня храма - чуд.икона Пресвятой Богородицы "Скоропослушница"

 

Небесным Силам Бесплотным

Тропарь, глас 4

 

Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны, припадающия прилежно и вопиющия: от бед избавите ны, яко чиноначальницы Вышних Сил.

Молитва всем чинам Ангельским

Вси святии Небесные бесплотные Силы, удостойте меня силы сокрушать все зло и страсти под ноги мои. Святии Бесплотные Серафимы, удостойте меня иметь пламенеющее сердце к Богу. Святии Бесплотные Херувимы, удостойте меня иметь премудрость для славы Божией. Святии Бесплотные Престолы, удостойте меня различать истину от неправды. Святии Бесплотные Господства, удостойте меня господствовать над страстями, чтобы дух поработил плоть. Святии Бесплотные Силы, удостойте меня иметь мужество в исполнении воли Божией. Святии Бесплотные Власти, удостойте меня иметь силу победы над злом. Святии Бесплотные Начала, удостойте меня служить Господу Богу в непорочности сердца и дел рук моих. Святии Бесплотные Архангелы, удостойте меня исполнять волю Господа нашего нашего Иисуса Христа. Святии Бесплотные Ангелы, удостойте меня руководствоваться заповедями Божиими во все дни жизни моей.

Пресвятая Богородица “Скоропослушница”

Тропарь Богородице, глас 4.

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

 

Храм Благовещения Пресвятой Богородицы

(Кафедральный Собор города Афин).

 

Главная святыня храма - св.мощи сщмч. Григория V, патриарха Константинопольского, мощи св. прмч. Филофеи Афинской и чуд. образ Пресвятой Богородицы «Освободительница».

 

Благовещение Пресвятой Богородицы

Тропарь, глас 4

Днесь спасения нашего главизна,/ и еже от века таинства явление;/ Сын Божий Сын Девы бывает,/ и Гавриил благодать благовествует./ Темже и мы с ним Богородице возопиим:/ радуйся, Благодатная,// Господь с Тобою.

 

Священномученик Григорий V, патриарх Константинопольский

Тропарь, глас 7

Святителю и мучениче Григорие,/ за люди твоя душу положивый/ и в светоносный день Христова Воскресения пострадавый,/ молися Страдавшему за ны и Воскресшему/ Церковь Православную незыблему всегда хранити,/ пастве же твоей и Русстей земле, святыя мощи твоя с любовию лета многа хранившей,/ даровати мир и велию милость.

 

Святая преподобномученица Филофея Афинская

Тропарь, глас 4

Агница Твоя, Иисусе, Филофея, /зовет велиим гласом:/ Тебе, Женише мой, люблю, /и Тебе ищущи страдальчествую, /и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою:/ но яко жертву непорочную приими мя с любовию пожершуюся Тебе,/ тоя молитвами, /яко милостив, спаси души наша.

Храм святой преподобномученицы Параскевы Римской.

Главная святыня храма: честная глава св.прмч. Параскевы Римской

Святая преподобномученица Параскева Римская

Тропарь, глас 1

Тщание имущи сообразно имени твоему, тезоименитая/, равноимянную тебе веру в сожительство избрала еси, Параскево победоносная,/ темже изливаеши исцеления// и молишися о душах наших.

Молитва святой преподобномученице Параскеве Римской

О многострадальная и премудрая преподобномучениче Параскево! Ты душею на небеси у Престола Господня предстоиши, на земли же данною тебе благодатию, различная совершаеши исцеления; призри убо милостивно на предстоящия люди и молящияся пред пречистым образом твоим, просящия твоея помощи; простри ко Господу святыя молитвы твоя о нас и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на страшнем судищи Своем, да сподобимся и мы купно с тобою славити Отца и Сына и Святаго Духа во веки веков. Аминь.

Неа-Макри

 

Монастырь святого новомученика Ефрема

или Благовещения Пресвятой Богородицы.

Монастырь основан в 9 веке.

Главные святыни монастыря: мощи сщмч. Ефрема, дерево на котором он принял мученическую кончину, святой источник.

 

Священномученик Ефрем Новоявленный, Неа-Макринский чудотворец

Тропарь, глас 1

На горе Непорочных яко солнце возсиял еси,/ и мученически, богоносне, к Богу изшел еси,/ варварское нашествие претерпел еси,/ Ефреме великомучениче Христов,/ сим присно источаеши благодать всем благочестно вопиющим ти./ Слава давшему ти крепость,/ слава прславльшему тя,// слава подающему тобою всем исцеления!

Молитва общая священномученику.

О, преславный священномучениче Ефреме и скорый помощниче христианом в болезнех! Веруем от всея души и помышления, яко дадеся тебе от Господа дар болящия врачевати и расслабленныя укрепляти. Сего ради к тебе, яко благодатному врачу болезней, мы немощныя прибегаем и, твоя мощи с благоговением лобызая, молимся: твоим предстательством у Царя Небеснаго испроси нам грешным исцеление от удручающия ны болезни, аще бо и недостойни есмы тебе, благостнейшаго отца и приснаго заступника нашего, но ты, быв подражатель человеколюбия Божия, сотвори ны достойны твоего заступления чрез наше обращение от злых дел ко благому житию. Уврачуй обильно дарованною тебе благодатию язвы и струпы душ и телес наших, даруй нам здравие и спасение и во всем благое поспешение, да и мы, тихое и безмолвное житие поживше во всяком благочестии и чистоте, сподобимся со всеми святыми славити Всесвятое имя Отца и Сына и Святаго Духа. Аминь.

 

остров Тинос

 

Храм Благовещения Пресвятой Богородицы.

 

Храм Благовещения Пресвятой Богородицы, построен в 1830 году.

Главная святыня храма - чуд. икона Богородицы "Благовещение"

 

Молебен с акафистом Пресвятой Богородице

 

Благовещение Пресвятой Богородицы

Тропарь, глас 4

Днесь спасения нашего главизна,/ и еже от века таинства явление;/ Сын Божий Сын Девы бывает,/ и Гавриил благодать благовествует./ Темже и мы с ним Богородице возопиим:/ радуйся, Благодатная,// Господь с Тобою.

Величание

Архангельский глас вопием Ти, Чистая: радуйся, Благодатная, Господь с Тобою.

 

остров Андрос

 

Монастырь святителя Николая Мирликийского.

 

Монастырь основан в 9 веке.

Главные святыни монастыря: чуд.мироточивая фреска Богородицы 15 века, часть мощей свт.Николая Мирликийского, честная глава св. новомученика Николая 8 века, чуд. мироточивая икона Богородицы "Корень Иессеев", св.источник свт. Николая.

 

Молебен с чтением акафиста Пресвятой Богородице и канона св. Николаю Новому

 

Святитель Николай Чудотворец

Тропарь, глас 4

Правило веры и образ кротости,/ воздержания учителя,/ яви тя стаду твоему,/ яже вещей истина;/ сего ради стяжал еси смирением высокая,/ нищетою богатая,/ отче священноначальниче Николае,/ моли Христа Бога// спастися душам нашим.

 

Святой преподобномученик Николай Новый Ларисский, в Вуненах подвизавшийся

Тропарь, глас 2

Всех притекающих верно к дивному твоему ходатайству и восхваляющих тя,/ святе Николае, преподобномучениче Христов/ и всечестныя мощи твоя лобызающия/ покрый и сохрани от всякия скорби,/ избавляя от бед зимы и горьких свобождая болезней,/ ко Владыце молитвами твоими.

 

Молитва святому преподобномученику Николаю Новому, иже в Вуненах Фессалийских подвизавшемуся

О, Всеславне преподобномучениче Христов, святе Николае, глаголам Христа Бога всею душею и всем сердцем последовавый, и страдальчески равноангельским житием Ему благоугодивый. Всесвятое имя Спасителя паче всякаго имени исповедовавый, и Его ради готовно кровь свою проливый и от Него достойно чудес дарованием и силою исцелений прославляемый, и всем подаваяй теплаго твоего предстательства спасительное заступление. Тебе молимся в час сей: призри с высоты небесныя и исполни прошения наша, со благоговением и верою притекающих ко всечестным мощем твоим. Не презри, святе, моления нашего, и избави нас от всякия душевныя и телесныя болезни и печали, яко многое дерзновение ко Христу стяжавый. Благослови мученическим твоим молением и благодатию жилища наша и дела рук наших, притекающих к тебе тепле. Умоли нам от Господа улучити укрепление и здравие, земли плодоносие и всякое благодеяние, и отгони от нас всякое искушение и всякое действо началозлобника врага, хотящаго гибели нашея, и молися ко Господу дати нам прегрешений оставление, в бесконечней Его милости, яко Благ есть и Человеколюбец.

 

Икона Божией Матери «Корень Иессеев»

Тропарь общий Богородице, глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Молитва ко Пресвятой Богородице.

Царице моя Преблагая, надеждо моя, Богородице, приятелище сирых и странных предстательнице, скорбящих радосте, обидимых покровительнице. Зриши мою беду, зриши мою скорбь. Помози ми, яко немощну, окорми мя, яко странна. Обиду мою веси, разреши ту яко волиши. Яко не имам иныя помощи, разве Тебе ни иныя предстательницы, ни благия утешительницы, токмо Тебе, о, Богомати. Яко да сохраниши мя и покрыеши во веки веков. Аминь.

 

Монастырь святой великомученицы Марины.

Монастырь основан в 1325 г .

Главные святыни монастыря: чуд.икона св.Марины и часть её мощей.

 

Святая великомученица Марина

Тропарь, глас 4:

Агница Твоя, Иисусе, Марина / зовет велиим гласом: / Тебе, Женише мой, люблю, / и, Тебе ищущи, страдальчествую, / и сраспинаюся, и спогребаюся крещению Твоему, / и стражду Тебе ради, / яко да царствую в Тебе, / и умираю за Тя, да и живу с Тобою, / но, яко жертву непорочную, приими мя, с любовию пожершуюся Тебе. / Тоя молитвами, // яко Милостив, спаси души наша.

Молитва святой великомученице Марине

О святая дево и великомученице Марино, истинная Жениха твоего Христа невесто, во граде Антиохии за веру Христову пострадавшая, сквозе огнь и воду прошедшая и в Царствии Небеснем водворившаяся! Ты от юности всею душею и всем сердцем возлюбила еси Христа, Бога нашего, Тому единому послужити желающи. Ты силою благочестия своего, целомудрием и праведностию просияла еси, поживши свято и непрочно посреде неверных. Ты, благодатию Божиею от ран дивно исцеленная, изумила еси мучителей твоих и многих неверных привела еси к познанию Истиннаго Бога. Ты силою Божиею попрала еси диавола, явльшагося пред очима твоима, и благодать прияла еси во брани врага рода человеческаго побеждати. Ты еси всея Церкве Христовы светильник пресветлый, теплая к Богу молитвенница и всем прибегающим к тебе с верою скорая заступница. О святая Марино, руководи нас к Небесному Отечеству, подаждь нам ревность о спасении, направи стопы наша к деланию заповедей Христовых, на путь подвига духовнаго и исправления жизни. Поминай нас молитвою твоею, помози всем нам жити целомудренно, праведно и благочестиво. Услыши ны, страстотерпице Христова, и умоли Человеколюбца Бога, да подаст Он ходатайством твоим Отечеству нашему мир и благоустроение, всем православным христианом утверждение в вере, благочестии и чистоте, да укрепит в нас братскую любовь, да очистит нас, грешных, от скверны и пороков, да сохранит нас от действа вражия, и помилует Своею благодатию, и Царствия Небеснаго наследники соделает, идеже купно с тобою прославим дивнаго во святых Своих Бога, Отца и Сына и Святаго Духа, всегда, ныне и присно, и во веки веков. Аминь.

 

остров Эвбея

 

Храм святого праведного Иоанна Русского.

 

Храм святого праведного Иоанна Русского, построен в 1951 году.

Главная святыня храма - мощи св.праведного Иоанна Русского

Божественная литургия

 

Святой праведный Иоанн Русский

Тропарь, глас 4

На небеси предстоя Святей Троице,/ праведне блаженне Иоанне/, земный ангеле, Божий человече,/ с безплотными лики славословиши, Любовь Неизреченную/ в Церкви первородных со святыми водворяяся,/ о нас, сущих на земли, возносиши молитвы/ к Содетелю всех и Спасу,/ да подаст мир всему миру,/ Церквам на земли благостояние и соединение всех,/ чтущих Сына Божия, во плоти пришедша,/ во святем Теле Христа Иисуса,/ еже есть Церковь Бога Живаго,// во спасение рода человеческаго.

 

Молитва святому праведному Иоанну Русскому

О святый новоявленный угодниче Божий Иоанне Русский! Подвигом добрым подвизаяся на земли, восприял еси на небесех венец правды, еже уготовал есть Господь всем любящим Его. Темже взирающе на святый твоя мощи, радуемся о преславнем скончании жительства твоего и чтем святую память твою. Ты же, предстояй престолу Божию, прими моления наша и ко всемилостливому Богу принеси, о еже простити нам всякое прегрешение и помощи нам стати противу козней диавольских, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единого во Святых Своих славимаго Бога, Отца и Сына и Святаго Духа, ныне и во веки веков.

 

Монастырь святого преподобного Давида Эвбейского.

 

Монастырь основан в 1540 году св.прп.Давидом Эвбейским.

Главные святыни монастыря: честная глава св.прп. Давида Эвбейского, св.источник, могила старца Иакова Эвбейского.

Святой преподобный Давид Эвбейский

Тропарь, глас 8

В тебе отче известно спасеся еже по образу:/ приим бо крест, последовал еси Христу,/ и дея учил еси презирати убо плоть, преходит бо,/ прилежати же о души, вещи безсмертней;/ темже и со ангелы срадуется,// преподобне Давиде, дух твой.

 

Молитва святому преподобному Давиду Эвбейскому

Преподобне отче Давиде! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством твоим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих.

Вси православнии христиане, твоими чудесы исполненныя и милостями облагодетельствованныя, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней главе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими.

О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Темпи

 

Храм святой преподобномученицы Параскевы Римской.

 

Храм святой преподобномученицы Параскевы Римской, основан в 1922 году.

Главные святыни храма: чуд. икона св.прпмуч. Параскевы Римской, частица её мощей, святой источник.

 

Святая преподобномученица Параскева Римская

 

Тропарь, глас 1

Тщание имущи сообразно имени твоему, тезоименитая/, равноименную тебе веру в сожительство избрала еси, Параскево победоносная,/ темже изливаеши исцеления// и молишися о душах наших.

 

Молитва святой преподобномученице Параскеве Римской

 

О многострадальная и премудрая преподобномучениче Параскево! Ты душею на небеси у Престола Господня предстоиши, на земли же данною тебе благодатию, различная совершаеши исцеления; призри убо милостивно на предстоящия люди и молящияся пред пречистым образом твоим, просящия твоея помощи; простри ко Господу святыя молитвы твоя о нас и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на страшнем судищи Своем, да сподобимся и мы купно с тобою славити Отца и Сына и Святаго Духа во веки веков. Аминь.

 

Салоники

 

Храм святого великомученика Димитрия Солунского.

 

Храм святого великомученика Димитрия Солунского, построен в 5 веке.

Главные святыни храма: мощи св. вмч. Димитрия Солунского и св. муч. Анисии Солунской, святой колодец, в крипте храма - место мученической кончины св. вмч. Димитрия Солунского.

 

Святой великомученик Димитрий Солунский

Тропарь, глас 3

Велика обрете в бедах/ тя поборника вселенная, страстотерпче/, языки побеждающа./ Якоже убо Лиеву низложил еси гордыню, на подвиг дерзновенна сотворив Нестора:/ тако, святе Димитрие,/ Христу Богу молися,// даровати нам велию милость.

Молитва святому великомученику Димитрию Солунскому

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, храм сей и всякую страну христианскую. Исходатайствуй у Царя Царствующих на враги победу и одоление, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоугодное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.

 

Святая мученица Анисия Солунская

Тропарь, глас 4

Агница Твоя, Иисусе, Анисия,/ зовет велиим гласом:/ Тебе, Женише мой, люблю,/ и Тебе ищущи страдальчествую/ и сраспинаюся и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою;/ но яко жертву непорочную приими мя, с любовию пожершуюся Тебе./ Тоя молитвами,// яко Милостив, спаси души наша.

 

Храм святителя Григория Паламы.

 

Храм построен в 16 веке.

Главная святыня храма - мощи свт.Григория Паламы.

 

Святитель Григорий Палама

Тропарь, глас 8

Православия светильниче,/ Церкве утверждение и учителю,/ монахов доброто, богословов поборниче непреоборимый,/ Григорие чудотворче, Фессалонитская похвало, проповедниче благодати,// молися выну спастися душам нашим.

Молитва святителю Григорию Паламе.

О, всехвальный святителю Христов и чудотворче Григорие! Приими сие малое моление от нас грешных к тебе прибегающих и теплым твоим предстательством умоли Господа Бога нашего Иисуса Христа, яко да, призрев на ны милостивно, дарует нам согрешений наших вольных и невольных прощение, и по велицей Своей милости избавит нас от бед, печалей, скорби и болезней душевных и телесных, обдержащих нас; да подаст земли плодоносие, и вся, яже на пользу настоящаго жития нашего потребная; да дарует нам скончати житие сие привременное в покаянии, и да сподобит нас грешных и недостойных Небеснаго Царствия Своего, со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков. Аминь.

 

 

Монастырь святой преподобной Феодоры Солунской.

 

Главные святыни монастыря: мощи св.прп. Феодоры Солунской и

св.прп. Давида столпника Солунского.

 

Святая преподобная Феодора Солунская

Тропарь, глас 8

В тебе, мати, известно спасеся еже по образу:/ приимши бо крест, последовала еси Христу,/ и деющи учила еси презирати убо плоть, преходит бо,/ прилежати же о души вещи безсмертней;/ темже и со ангелы срадуется,// преподобная Феодоро, дух твой.

 

Молитва святой преподобной Феодоре Солунской

О, преславная мати Феодоро, скорая наша помощнице и заступнице и неусыпная о нас молитвеннице! Предстояще святым мощем твоим и тя, яко живу сущую, зряще, припадающе молимся тебе: приими прошения наша и принеси я ко Престолу Милосердаго Отца Небеснаго, яко дерзновение к Нему имущая; испроси притекающим к тебе и всем православным христианом вечное спасение и временное благоденствие, на вся благая дела и начинания наша щедрое благословение, от всяких бед и скорбей скорое избавление. Ей, чадолюбивая мати наша, тебе, предстоящей Престолу Божию, ведомы нужды наша духовныя и житейския, призри на ня матерним оком, и твоими молитвами отврати от нас колебание всяким ветром учения, злых и богопротивных обычаев умножение; утверди же во всех веры согласное ведение, друг ко другу любовь и единомыслие, да всеми, и словесы и писании и делами, славится среди нас Всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава, во веки веков. Аминь.

 

Святой преподобный Давид Столпник Солунский

Тропарь, глас 8

В тебе отче известно спасеся еже по образу:/ приим бо крест, последовал еси Христу,/ и дея учил еси презирати убо плоть, преходит бо,/ прилежати же о души вещи безсмертней;/ темже и со ангелы срадуется,// преподобне Давиде, дух твой.

Кондак, глас 2

Чистотою душевною божественне вооружився,/ и непрестанныя молитвы яко копие вручив крепко,/ пробол еси бесовская ополчения Давиде, отче наш,// моли непрестанно о всех нас.

 

Молитва святому преподобному Давиду Столпнику

Преподобие отче Давиде! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси пред стательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненныя и милостями облагодетельствованныя, исповедуют тя быти своего покровителя и заступника. Яви древния милости твоя, ихже отцем вспомоществовал еси, не отрини и нас, чад их, стопами их к тебе шествующих. Предстояще святым мощем твоим, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

 

Суроти

Монастырь святого апостола и евангелиста

Иоанна Богослова.

 

Монастырь основан в 1967 году старцем Паисием Афонским.

Главные святыни монастыря: мощи св.Арсения Каппадокийского и могила старца Паисия.

 

Лития на могилке старца Паисия Святогорца

 

Святой апостол и евангелист Иоанн Богослов

Тропарь, глас 2

Апостоле, Христу Богу возлюбленне,/ускори избавити люди безответныя,/ приемлет тя припадающа,/ Иже падша на перси приемый./ Егоже моли, Богослове,/ и належащую мглу языков разгнати,// прося нам мира и велия милости.

 

Молитва святому апостолу и евангелисту Иоанну Богослову

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным (имена), избавитися от воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Молитва ко Господу

О великий и непостижимый Боже! Се на умоление Тебе предлагаем святого Иоанна, егоже Ты сподобил еси неизреченных откровений, приими о нас ходатайство, даруй нам исполнение прошений наших во славу Твою, паче же соверши нас духовным совершенством к наслаждению, жизни нескончаемыя в Небесных Твоих обителях! О Небесный Отче, создавый вся Владыко, Всесильный Царю! Коснися благодатию сердец наших, да, растаявше, яко воск, пролиются пред Тобою и бренная тварь духовна сотворится в честь и славу Твою, и Сына Твоего, и Святаго Духа. Аминь.

Святой преподобный Арсений Каппадокийский

Тропарь, глас 3

Житие богоугодное добре скончав,/ сосуд честен Утешителя явился еси,/ богоносне Арсение,/ чудес благодать приим,/ всем подаеши скорое вспоможение,/ отче преподобне, /Христу Богу молися// даровати нам велию милость.

Кондак, глас 4

Каппадокии новосажденный цвет/ и добродетелей многочестный сосуд,/ святаго Арсения воспоим,/ сей бо яко Ангел во плоти жительствовав,/ сожитель бысть всем святым,/ с ними же предстоит всегда Христу// даровати нам согрешений прощение.

Молитва святому преподобному Арсению Каппадокийскому

Преподобие отче Арсение! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Все житие твое святое бысть зерцалом всякия добродетели. Не престани, угодниче Божий, о нас вопия ко Господу. Испроси предстательством твоим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненныя и милостями облагодетельствованныя, исповедуют тя быти своего покровителя и заступника. Яви древния милости твоя, ихже отцем всепомоществовал еси, не отрини и нас, чад их, стопами их к тебе шествующих. Предстояще честным мощем твоим, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Василика

 

Монастырь святой великомученицы Анастасии

Узорешительницы.

 

Монастырь основан в 888 году.

Главные святыни монастыря: честная глава и правая стопа св.вмч.Анастасии Узорешительницы и мощи свят.Феоны Солунского.

 

Молебен с акафистом св. Анастасие Узорешительнице

 

Святая великомученица Анастасия Узорешительница

Тропарь, глас 4

Победоносного Воскресения/ истинноименитая наречена еси, мученице Христова,/ победы на враги поставила еси мук терпением,/ Христа ради, Жениха твоего, Егоже возлюбила еси.// Того моли спасти души наша.

Молитва святой Анастасии Узорешительнице

О многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная совершаеши исцеления. Призри убо милостивно на нас, просящих твоея помощи: простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшнем Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

 

Святитель Феона Солунский

Тропарь, глас 4

Правило веры и образ кротости,/ воздержания учителя,/ яви тя стаду твоему,/ яже вещей истина;/ сего ради стяжал еси смирением высокая/ нищетою богатая,/ отче Феоно,/ моли Христа Бога,// спастися душам нашим.

Кондак, глас 2

Божественный гром, труба духовная,/ веры насадителю и ересей отсекателю,/ Троицы угодниче, великий святителю Феоно, /со Ангелы предстоя присно,// моли непрестанно о всех нас.

Молитва святителю Феоне Солунскому

О, всехвальный святителю Христов и чудотворче Феоно! Приими сие малое моление от нас грешных к тебе прибегающих и теплым твоим предстательством умоли Господа Бога нашего Иисуса Христа, яко да, призрев на ны милостивно, дарует нам согрешений наших вольных и невольных прощение, и по велицей Своей милости избавит нас от бед, печалей, скорбей и болезней душевных и телесных, обдержащих нас; да подаст земли плодоносие, и вся, яже на пользу настоящаго жития нашего потребная; да дарует нам скончати житие сие привременное в покаянии, и да сподобит нас грешных и недостойных Небеснаго Царствия Своего и со всеми святыми славити Его безконечное милосердие, со Безначальным Его Отцем и Пресвятым и Животворящим Его Духом, во веки веков. Аминь.

 

Неа - Сумела

 

Храм Пресвятой Богородицы Сумельской.

 

Храм был построен в 1951 году.

Главная святыня храма - чуд. икона Богородицы Сумельская (Одигитрия), по преданию это одна из трех икон, написанных св.Ап.Лукой ещё при жизни Самой Богородицы.

Икона Богородицы "Сумельская"

Тропарь, глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Кондак, глас 6

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти;/ ускори на молитву, и потщися на умоление,// предстательствующи присно, Богородице, чтущих Тя.

Молитва Богородице" Царице моя Преблагая "

Царице моя Преблагая, надеждо моя, Богородице, приятелище сирых и странных предстательнице, скорбящих радосте, обидимых покровительнице. Зриши мою беду, зриши мою скорбь. Помози ми, яко немощну, окорми мя, яко странна. Обиду мою веси, разреши ту яко волиши. Яко не имам иныя помощи, разве Тебе ни иныя предстательницы, ни благия утешительницы, токмо Тебе, о, Богомати. Яко да сохраниши мя и покрыеши во веки веков. Аминь.

Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся.

Под Твою милость прибегаем, Богородице Дево, молении наших не презри в скорбех, но от бед избави нас, Едина чистая и благословенная. Аминь.

Метеоры

 

Монастырь святителя Николая Успокоителя.

Монастырь основан в 15 веке.

Святитель Николай Чудотворец

Тропарь, глас 4

Правило веры и образ кротости,/ воздержания учителя,/ яви тя стаду твоему,/ яже вещей истина;/ сего ради стяжал еси смирением высокая,/ нищетою богатая,/ отче священноначальниче Николае,/ моли Христа Бога// спастися душам нашим.

Кондак, глас 3

В Мирех, святе, священнодействитель показался еси:/ Христово бо, преподобне, Евангелие исполнив,/ положил еси душу твою о людех твоих,/ и спасл еси неповинныя от смерти/; сего ради освятился еси,// яко великий таииник Божия благодати.

 

Молитва святителю и чудотворцу НиколаюЧудотворцу.

О всехвальный, великий чудотворче, святителю Христов, отче Николае! Молим тя, буди надежда всех христиан, верных защититель, алчущих кормитель, плачущих веселие, болящих врач, по морю плавающих управитель, убогих и сирых питатель и всем скорый помощник и покровитель, да мирное зде поживем житие и да сподобимся видети славу избранных Божиих на небеси и с ними непрестанно воспевати Единаго в Троице покланяемого Бога во веки веков. Аминь.

 

Монастырь Преображения.

 

Монастырь основан в 14 веке свв.прпп. Афанасием и Иосафом Метеорскими.

Главные святыни монастыря: мощи святых преподобных Афанасия и Иосафа Метеорских, чудотворные иконы Богородицы "Каналетисса" и "Сладкое Лобзание".

 

Преображение Господне

Тропарь, глас 7

Преобразилсяеси на горе, Христе Боже,/ показавый учеником Твоим славу Твою, /якоже можаху:/ да возсияет и нам грешным/ свет Твой присносущный,/ молитвами Богородицы, /Светодавче, слава Тебе.

 

Святым преподобным Афанасию и Иосафу Метеорским

Тропарь, глас 4

Боже отец наших, творяй присно с нами по Твоей кротости, не остави милость Твою о нас, но молитвами их в мире управи живот наш.

Кондак, глас

Волнений множество неблажно проходяще, безплотныя враги струями слез ваших крепко погрузили есте, Богомудрии и преподобнии: и чудес дар приемше, молите непрестанно о всех нас.

Молитва преподобным Афанасию и Иосафу Метеорским

Преподобиии отцы Афанасие и Иосафе! Воззрите на нас милостивно и к земли приверженных возведите к высоте небесней. Вы горе на небеси, мы на земли низу, удалены от вас, не толико местом, елико грехми своими и беззаконии, но к вам прибегаем и взываем: наставите нас ходити путем вашим, вразумите и руководствуйте. Все святое житие ваше бысть зерцалом всякия добродетели. Не престаните, угодницы Божии, о нас вопити ко Господу. Испросите предстательством вашим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрамите нас, к вам с верою притекающих. Вси православнии христиане, вашими чудесы исполненныя и милостями облагодетельствованныя, исповедуют вас быти своими покровителями и заступниками. Явите древния милости ваша, ихже отцем всепомоществовали есте, не отрините и нас, чад их, стопами их к вам шествующих. Предстояще честным мощем вашим, яко вам живым сущим, припадаем и молимся: приимите моления наша и вознесите их на жертвенник благоутробия Божия, да приимем вами благодать и благовременную в нуждех наших помощь. Укрепите наше малодушие и утвердите нас в вере, да несомненно уповаем получити вся благая от благосердия Владыки молитвами вашими. О, превеликие угодницы Божии! Всем нам, с верою притекающим к вам, помозите предстательством вашим ко Господу, и всех нас управите в мире и покаянии скончати живот наш и преселитися со упованием в блаженныя недра Авраамова, идеже вы радостно во трудех и подвизех ныне почиваете, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

 

Монастырь святого первомученика архидиакона Стефана.

Монастырь основан в 14 веке.

Главная святыня монастыря - честная глава священномученика Харлампия

 

Святой первомученик архидиакон Стефан

Тропарь, глас 4

Подвигом добрым подвизался еси,/ первомучениче Христов и апостоле,/ и мучителей обличил еси нечестие./ Каменем бо побиен от рук беззаконных,/ венец от яже свыше десницы приял еси,/ и к Богу взывал еси вопия:// Господи, не постави им греха сего.

Молитва первомученику архидиакону Стефану

О святый первомучениче, апостоле архидиаконе Стефане! Преклоньше колена души и сердца нашего, тя молим: воздежи руце твои ко Господу и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас, присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию, и твоим предстательством и заступлением Пресвятыя Матере Своея, в день он страшный и праведный, да не поставит пред нами грехи наша, но по щедротам Своим, тобою умолен быв, да речет душе нашей: спасение ваше есмь Аз во веки веков. Аминь.

 

Священномученик Харалампий

Тропарь, глас 4

Яко столп избранный церкве Христовой/ и светильник присносветлый всея вселенныя, премудре показался, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,// молися спастися нам.

Молитва священномученику Харлампию

О, священная и многострадальная главо, пастырю добрый словесных овец Христовых, священномучениче Христов Харалампие, Магнисийская похвало и славо вселенныя, всемирный светильниче и великий наш заступниче и помощниче в скорбех, бедах и всяких нуждах! Услыши нас грешных, к тебе прибегающих и молящихся, и избави нас от всякаго злаго обстояния, ты бо приял от Господа благодать и силу велику за многия и нуждныя страдания твоя и терпение, еже всюду и во всем нам помогати, и наипаче, идеже память твоя почитаема будет бдением, пением и усердным молением. Сицевая благодать дадеся ти, священномучениче Христов, от явльшагося ти Господа Царя славы по твоему испрошению: егда на мечное усечение тя осудиша, услышал еси превожделенный и сладчайший оный глас, глаголющий тебе: "прииди, Харалампие, друже Мой, многия муки имене ради Моего претерпевый, и проси у Мене, еже хощеши, и Аз дам ти". Ты же, великий светильниче, рекл еси Христу Господу усты своими: "Господи мой, велико убо мне есть от Тебе, Света Невечерняго, дарование сие. Аще угодно есть величеству Твоему, молю Тя, благоволи даровати ми сицевую милость Свою: да идеже положены будут мощи моя и почитаема будет память страдания моего, не будет на месте том ни глада, ни мора, ни тлетворнаго воздуха, погубляющаго плоды, но да будет паче на месте оном мир, здравие телесем и душам спасение, изобилие пшеницы, вина и елеа и умножение скотов, яже на потребу человеком." Ты же паки, угодниче Христов, Харалампие многострадальниче, глас Господень услышал еси, вещающий тебе:" буди по прошению твоему, преславный Мой воине". И абие, по глаголании сем Господнем, предал еси душу свою без мечнаго посечения, и пойде во след Христа Господа со славою многою. Ангелом убо сретающим и провождающим ю до Престола Господня с радостию великою. И тако приял еси венец славы от Божественныя руки Его с лики святых, вечно славящих Пресвятое имя Господа. И тамо, во славе небесней пребывая, призри, угодниче Божий, и на нас грешных, молящихся тебе, и воспомяни нас пред Господем, еже даровати нам на потребу велия Его милости в безконечныя веки. Аминь. 

 

Монастырь святого преподобного Варлаама.

Монастырь основан в 16 веке.

Святой преподобный Варлаам

Тропарь, глас 4

В тебе отче известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души вещи безсмертней; темже и со ангелы срадуется, преподобне Варлааме, дух твой.

 

Кондак, глас 2

Чистотою душевною божественне вооружився, и непрестанныя молитвы яко копие вручив крепко, пробол еси бесовская ополчения Варлааме, отче наш, моли непрестанно о всех нас.

Все святые

Тропарь, глас 2

     Апостоли, мученицы и пророцы,/ святителие, преподобнии и праведнии,/ добре подвиг совершившии и веру соблюдшии, /дерзновение имуще ко Спасу,/ о нас Того, яко Блага, молите/ спастися, молимся, душам нашим.

 

Молитва Всем Святым

     Боже святый и во святых почиваяй, трисвятым гласом на небе си от Ангел воспеваемый, на земли от человек во святых Своих хвалимый, давый Святым Твоим Духом коемуждоблагодать по мере дарования Христова, и тою поставивый Церкви Твоей святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому Действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедшии готови, в немже сами искушени быша, и нам напаствуемым помогати. Сих святых всех и (имя святого) воспоминая и их богоугодное похваляя житие. Тебе Самаго, в них Действовавшаго. восхваляю и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

 

Монастырь Святой Троицы.

 

Монастырь основан в 14 веке.

Главные святыни монастыря - глава св.апостола Филиппа и стопа св.муч.Трифона

 

Тропарь Святой Троице

Тропарь, глас 8

Благословен еси, Христе Боже наш,/ Иже премудры ловцы явлей,/ низпослав им Духа Святаго, /и теми уловлей вселенную, /Человеколюбче, слава Тебе.

 

Апостол Филипп

Тропарь, глас 3

Благоукрашается вселенная,/ Эфиопия ликовствует,/ яко венцем красуема тобою, просветившееся светло,/ торжествует память твою Богоглаголиве Филиппе;/ вся бо веровати Христу научил еси,/ и течение совершил достойно Евангелия./ Тем дерзновенно варит эфиопская рука к Богу,// Егоже моли даровати нам велию милость.

Молитва святому апостолу Филиппу.

О святый апостоле Христов Филлипе! Молим тя: сохрани и соблюди нас молитвами твоими от искушений диавольских и падений греховных и испроси нам свыше помощь во время уныния, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестно и богоугодно житие сие временное скончати, христианскую кончину получити и добраго ответа сподобитися на Страшнем Суде Христове; да прославим великолепое имя Отца и Сына и Святаго Духа во веки веков.

 

Святой мученик Трифон

Тропарь, глас 4

Мученик Твой, Господи, Трифон,/ во страдании своем венец прият нетленный от Тебе, Бога нашего;/ имеяй бо крепость Твою/ мучителей низложи,/ сокруши и  демонов немощныя дерзости./ Того молитвами// спаси души наша.

Кондак, глас 2

Звезда светлая явился еси,/ непрелестная мирови, Солнца Христа возвещающи,/ зарями твоими, страстотерпче Трифоне,/ и прелесть погасил еси всю,/ нам же подаеши свет,// моляся непрестанно о всех нас.

 

Молитва святому мученику Трифону

 

О святый мучениче Христов Трифоне, скорый помощниче и всем к тебе прибегающим и молящимся пред святыми твоими мощами скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в коей-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Духа во веки. Аминь.

 

Монастырь Русану (святой великомученицы Варвары).

 

Монастырь основан в 14 веке.

 

Святая великомученица Варвара

 

Тропарь, глас 8

Варвару святую почтим: вражия бо сети сокруши и, яко птица, избавися от них, помощию и оружием креста, всечестная.

 

о. Керкира (Корфу)

Храм святителя Спиридона Тримифунтского.

 

Храм был построен в 1590 году. Главная святыня храма - мощи свят.Спиридона Тримифунтского.

 

Божественная литургия,

Молебен с акафистом свят. Спиридону Тримифунтскому

 

Святитель Спиридон Тримифунтский

Тропарь, глас 1

Собора Перваго показался еси поборник и чудотворец,/ Богоносе Спиридоне, отче наш./ Темже мертву ты во гробе возгласив,/ и змию в злато претворил еси,/ и внегда пети тебе святыя молитвы/ Ангелы, сослужащия тебе, имел еси, священнейший. /Слава Давшему тебе крепость,/ слава Венчавшему тя,/ слава Действующему тобою всем исцеления.

 

Кондак, глас 2

Любовию Христовою уязвився, священнейший, ум вперив зарею Духа, детельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

 

Молитва святителю Спиридону Тримифунтскому

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим, у Христа и Бога нашего мирное безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженство вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно, и во веки веков.

 

Храм святой праведной византийской царицы Феодоры.

 

Храм был построен в 1577 году.

Главная святыня храма - мощи св.царицы Феодоры.

Святая праведная царица Феодора

Тропарь, глас 5

Во святых дивная,/ благоверная царице Феодоре,/ нетлением мощей и чудес сиянием почти тя Бог;/ поминающе твое праведное житие,/ тя молим испросити/ телесем нашим здравие и душам спасение.

Монастырь Палеокастрица.

 

Монастырь был основан в 1228 году.

Главные святыни монастыря: чудотворные икона Богородицы Палеокастрица.

Пресвятая Богородица

Тропарь, глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Кондак, глас 6

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти;/ ускори на молитву, и потщися на умоление,// предстательствующи присно, Богородице, чтущих Тя.

Молитва Богородице " Царице моя Преблагая… "

Царице моя Преблагая, надеждо моя, Богородице, приятелище сирых и странных предстательнице, скорбящих радосте, обидимых покровительнице. Зриши мою беду, зриши мою скорбь. Помози ми, яко немощну, окорми мя, яко странна. Обиду мою веси, разреши ту яко волиши. Яко не имам иныя помощи, разве Тебе ни иныя предстательницы, ни благия утешительницы, токмо Тебе, о, Богомати. Яко да сохраниши мя и покрыеши во веки веков. Аминь.

Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся.

Под Твою милость прибегаем, Богородице Дево, молении наших не презри в скорбех, но от бед избави нас, Едина чистая и благословенная. Аминь.

 

Храм Влахернской иконы Богородицы.

Главная святыня храма - чудотв.икона Богородицы"Влахернская".

 

Пресвятая Богородица

 

Тропарь, глас 4

 

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

 

Молитва ко Пресвятой Богородице.

Царице моя Преблагая, надеждо моя, Богородице, приятелище сирых и странных предстательнице, скорбящих радосте, обидимых покровительнице. Зриши мою беду, зриши мою скорбь. Помози ми, яко немощну, окорми мя, яко странна. Обиду мою веси, разреши ту яко волиши. Яко не имам иныя помощи, разве Тебе ни иныя предстательницы, ни благия утешительницы, токмо Тебе, о, Богомати. Яко да сохраниши мя и покрыеши во веки веков. Аминь.

 

г. Бари (Италия)

Базилика Святителя Николая.

 

Храм был построен в 1089 году.

Главная святыня храма - мощи свят.Николая Мирликийского.

 

Божественная  литургия,

Молебен с акафистом свят. Николаю Чудотворцу

 

Святитель Николай Чудотворец

Тропарь, глас 4

Правило веры и образ кротости,/ воздержания учителя,/ яви тя стаду твоему,/ яже вещей истина;/ сего ради стяжал еси смирением высокая,/ нищетою богатая,/ отче священноначальниче Николае,/ моли Христа Бога// спастися душам нашим.

 

Кондак, глас 3

В Мирех, святе, священнодействитель показался еси:/ Христово бо, преподобне, Евангелие исполнив,/ положил еси душу твою о людех твоих,/ и спасл еси неповинныя от смерти/; сего ради освятился еси,// яко великий таииник Божия благодати.

 

Молитва святителю Николаю Чудотворцу

 

О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози нам грешным и унылым в настоящем сем житии, умоли Господа Бога даровати нам оставление всех грехов наших, елико согрешихом от юности нашея и во всем житии нашем делом, словом, помышлением и всеми нашими чувствы; и во исходе душ наших помози нам окаянным, умоли Господа Бога всея твари Содетеля избавити нас воздушных мытарств и вечнаго мучения: да всегда прославляем Отца и Сына и Святаго Духа, и твое милостивное предстательство, ныне и присно и во веки веков. Аминь.

 

г. Патры

 

Кафедральный Собор

святого апостола Андрея Первозванного.

 

Храм был построен в 1974 году.

Гланые святыни храма: честная глава св.Ап.Андрея Первозванного, части его креста, святой источник.

 

Молебен с акафистом св. апостолу Андрею Первозванному

 

Святой апостол Андрей Первозванный

Тропарь, глас 4

Яко Апостолов первозванный/ и верховнаго сущий брат/ Владыце всех, Андрее, молися,/ мир вселенней даровати/ и душам нашим велию милость.

Кондак, глас 2

Мужества тезоименитаго богоглагольника и Церкве возследователя верховнаго, Петрова сродника восхвалим: зане якоже древле сему, и ныне нам воззва: приидите, обретохом Желаемаго.

Молитва апостолу Андрею Первозванному

Первозванне апостоле Бога и Спаса нашего Иисуса Христа, Церкве последователю верховный, всехвальне Андрее, славим и величаем апостольским труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним во веки пребывающи на Небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше еже ко Христу обращение, и не точию любиши, но и молиши о нас Бога, зря во Свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают; верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас грешных; да якоже ты абие по гласу Господа, оставль мрежи своя, неуклонно ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом во веки веков. Аминь.

 

Монастырь Мега Спилео (Великая Пещера).

 

Монастырь был основан в 362 году.

Главные святыни монастыря: чудотворная икона Богородицы Спилеотисса (Пещерная), одна из трех икон, написанных по преданию св.Ап.Лукой ещё при жизни Самой Богородицы, св. источники, части мощей многочисленных святых.

 

Пресвятая Богородица

Тропарь Глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Молитва ко Пресвятой Богородице

Царице моя Преблагая, надеждо моя, Богородице, приятелище сирых и странных предстательнице, скорбящих радосте, обидимых покровительнице. Зриши мою беду, зриши мою скорбь. Помози ми, яко немощну, окорми мя, яко странна. Обиду мою веси, разреши ту яко волиши. Яко не имам иныя помощи, разве Тебе ни иныя предстательницы, ни благия утешительницы, токмо Тебе, о, Богомати. Яко да сохраниши мя и покрыеши во веки веков. Аминь.

Святой апостол и евангелист Лука

Тропарь, глас 5

Апостольских деяний сказателя/ и Евангелия Христова светла списателя,/ Луку препетаго, славна суща Христове Церкви,/ песньми священными святаго апостола похвалим,/ яко врача суща, человеческие немощи,/ естества недуги и язи душ исцеляюща/ и молящася непрестанно за души наша.

Молитва святому апостолу и евангелисту Луке

О святый угодниче Божий, апостоле Луко! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Часовня Всем Святым.

Все Святые

Тропарь, глас 2

Апостоли мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко Спасу, о нас Того, яко блага, молите, молимся, спастися душам нашим.

Величание

Величаем вас, апостоли, мученицы, пророцы и вси святии, и чтим святую память вашу, вы бо молите за нас Христа Бога нашего.

Молитва Всем Святым

Боже святый и во святых почиваяй, трисвятым гласом на небе си от Ангел воспеваемый, на земли от человек во святых Своих хвалимый, давый Святым Твоим Духом коемуждоблагодать по мере дарования Христова, и тою поставивый Церкви Твоей святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому Действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедшии готови, в немже сами искушени быша, и нам напаствуемым помогати. Сих святых всех и (имя святого) воспоминая и их богоугодное похваляя житие. Тебе Самаго, в них Действовавшаго. восхваляю и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

Калаврита

Монастырь Агиа Лавра (Святая Лавра).

Монастырь был основан в 961 году.

Главные святыни монастыря: честные главы св.прп.Алексия человека Божия и св.прав.Филарета Милостивого.

Святый преподобный Алексий, человек Божий

Тропарь, глас 4

Возвысився на добродетель и ум очистив,/ к Желанному и Крайнему достигл еси, /безстрастием же украсив житие твое,/ и пощение изрядное восприим совестию чистою,/ в молитвах яко безплотен пребывая,/ возсиял еси, яко солнце в мире,/ преблаженне Алексие.

Кондак, глас 2

Дом родителей твоих яко чужд имев, водворился еси в нем нищеобразно и, по преставлении венец прием славы, дивен на земли явился еси, Авлексие, человече Божий, Ангелом и человеком радование.

Молитва святому преподобному Алексию, человеку Божию

О, великий Христов угодниче, святый человече Божий Алексие, душею на Небеси Престолу Господню предстояй, на земли же данною ти свыше благодатию различная совершаяй чудеса! Призри милостивно на предстоящия святей иконе твоей люди, умиленно молящияся и просящия от тебе помощи и заступления. Простри молитвенно ко Господу Богу честнии руце твои, и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на страшнем суде Христове.

Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да, твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление, ныне и присно и во веки веков. Аминь.

 

Святой праведный Филарет Милостивый

Тропарь, глас 4

Аврааму в вере подражая,/ Иову же в терпении последуя,/ отче Филарете,/ благая земли разделял еси неимущим/ и лишение сих терпел еси мужественне./ Сего ради светлым тя венцем увенча Подвигоположник, Христос Бог наш,/ Егоже моли спастися душам нашим.

Молитва святому праведному Филарету Милостивому

Боже святый и во святых почиваяй, трисвятым гласом на небе си от Ангел воспеваемый, на земли от человек во святых Своих хвалимый, давый Святым Твоим Духом коемуждоблагодать по мере дарования Христова, и тою поставивый Церкви Твоей святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому Действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедшии готови, в немже сами искушени быша, и нам напаствуемым помогати. Сих святых всех и святаго праведнаго Филарета Милостиваго воспоминая и их богоугодное похваляя житие. Тебе Самаго, в них Действовавшаго. восхваляю и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

Малеви

Монастырь Успения Пресвятой Богородицы.

 

Монастырь был основан в 8 веке.

Главные святыни монастыря: чудотворная и мироточивая икона Богородицы "Успение" ("Панагия Малеви"), часть мощей св.прп.Нила Мироточивого Афонского.

 

Божественная литургия,

Молебен с акафистом Пресвятой Богородице

 

Успение Пресвятой Богородицы

Тропарь, глас 1

В рождестве девство сохранила еси,/ во успении мира не оставила еси, Богородице:/ преставилася еси к животу, Мати сущи Живота,/ и молитвами Твоими избавляеши от смерти души наша.

Кондак, глас 2

В молитвах неусыпающую Богородицу и в предстательствах непреложное упование, гроб и умерщвление не удержаста: якоже бо Живота Матерь, к животу престави во утробу Вселивыйся приснодевственную.

 

Святой преподобный Нил Мироточивый Афонский

Тропарь, глас 1

Монашествовав Богоугодно в Горе Афонстей,/ в молитвах и постах Бога взыскал еси/ и стал еси приятелище чистое Духа,/ облиставая верным добродетелей лучи,/ имиже осияваеши, Ниле, вопиющих тебе:/ Слава прославльшему тя Богу,/ слава Венчавшему тя,/ слава Действующему тобою всем исцеления.

 

Кондак, глас 3

Еже от земли явление священных мощей твоих, Ниле,/ совозсияло сиянию Креста,/ того бо вожделел еси тепле от младенства./ Кости твоя сораспявшияся Христови, воскресшему,/ яко Превечному Богу,// Того прияша благодать.

 

Молитва святому преподобному Нилу Мироточивому

 

Преподобие отче Ниле! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Все твое святое житие бысть зерцалом всякия добродетели. Не престани, угодниче Божий, о нас вопия ко Господу. Испроси предстательством твоим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненныя и милостями облагодетельствованныя, исповедуют тя быти своего покровителя и заступника. Яви древния милости твоя, ихже отцем вспомоществовал еси, не отрини и нас, чад их, стопами их к тебе шествующих. Предстояще всечестным мощем твоим, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

 

Лутраки

 

Монастырь святого пророка и крестителя Господня

Иоанна Предтечи.

 

Монастырь построен в начале 30-х годов 20-го столетия.

Главная святыня монастыря - глава св.безсребренника Кира.

 

Пророк и креститель Иоанн Предтеча

Тропарь, глас 2

Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго: тем же за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.

 

Святые безсребренники и мученики Кир и Иоанн Александрийские

Тропарь, глас 5

Троичная благодать всельшися в честная сердца ваша,/ преблаженнии Кире и Иоанне,/ на духи нечистыя страшни прогонителие явистеся./ И не точию явленным,/ но тайным недугом врачеве бысте,/ тем же, дерзновение имуще к Человеколюбцу Богу,/ непрестанною молитвою// душевныя наша страсти исцелите.

 

Молитва мученикам и безсребренникам Киру и Иоанну

О святии угодницы Божии, мученицы и безсребренницы Кире и Иоанне! Подвигом добрым подвизавшияся на земли, восприяли еста на Небесех венец правды, егоже уготовал есть Господь всем любящим Его. Темже радуемся о преславнем скончании жительства вашего и чтим святую память вашу. Вы же, предстоя Престолу Божию, приимите моления наша и ко Всемилостивому Богу принесите, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

 

Монастырь святого преподобного Патапия Фивского.

Монастырь построен в 1952 году.

Главные святыни монастыря - св.мощи св.прп.Патапия Фивского, его пещера, св.глава св.византийской царицы Ипомонии.

 

Святой преподобный Патапий Фивский

Тропарь, глас 8

В тебе, отче, известно спасеся еже по образу приим бо крест последовал еси Христу, и дея учил еси презирати убо плоть, приходит бо: прилежати же о души, вещи безсмертней: тем же и со Ангелы срадуется, преподобне Патапие, дух твой.

Кондак, глас 4

Храм твой святе, духовное врачевство людие обретше, со тщанием к нему приходяще, цельбу недугов просят прияти, решение же в житии прегрешенных: ты бо всех сущих в нуждах предстатель явился еси, Патапие преподобне.

 

Молитва преподобному Патапию Фивскому

О священная главо, преподобне отче, преблаженне авво Патапие, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.

Святая праведная царица Ипомония

Тропарь, глас 5

Во святых дивная,/ благоверная царице Ипомония,/ нетлением мощей и чудес сиянием почти тя Бог;/ поминающе твое праведное житие,/ тя молим испросити/ телесем нашим здравие и душам спасение.

 

Храм Богородицы Целительница

 

Храм построен в 1960 году.

Главная святыня храма - чудотворная икона Богородицы "Целительница"

 

Тропарь, глас 1

Любовию, Чистая Дево, Твою святую икону почитающим и Божию Тя истинную Матерь прославляющим и верно поклоняющим ти ся Целительница явися, всякое зло и болезни от сих удаляющая, яко Всемогущая.

 

Молитва к Пресвятой Богородице перед Ея иконой, именуемой “Целительница”

Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему. По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от бед избавлявши, прокаженныя очищаеши и малыя дети милуеши: еще же, Госпоже Владычице Богородице, от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему. О Всепетая Мати, Пресвятая Богородице! Не престай молитися о нас, недостойных рабех Твоих, славящих Тя и почитающих Тя, и поклоняющихся со умилением Пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков Аминь.

Версия для печати (40 стр.)
На главную